Кои се долгорочните последици од секојдневните навики кои со себе ги носи модерниот начин на живот?
На сите ни се случило при излегување да испиеме чаша повеќе, да прескокнеме тренинг бидејќи сме уморни по напорниот работен ден, да спиеме помалку поради работните обврски и слично. Какви се долгорочните последици од ваквото функционирање?
За да му помогнете на организмот да се врати во баланс и успешно да се бори против инфекции и хронични болести, треба да одржувате нормална телесна тежина, квалитетна исхрана, доволно течности, физички активности, опуштање, доволно сон и слично.
Доктор Рита Шарма од Мериленд советува кои навики треба да исфрлите од секојдневието за да не му штетите на имунитетот.
Чаша вино во текот на денот не е толку опасен потег, но претераното уживање во алкохол може негативно да влијае на имунитетот. Истражувањата покажуваат дека долготрајната претерана употреба на алкохол е особено опасна бидејќи го слабее имунитетот и ве доведува во ризична група за болести како воспаление на белите дробови. Ова подразбира и побавно закрепнување од инфекции.
Колку сте помалку активни, толку повеќе здравствени проблеми може да очекувате. Не само што овој начин на живот може да придонесе до зголемување на килограмите, туку и до почести воспаленија, развој на хронични болести и намален имунитет,
Редовната физичка активност носи бројни придобивки за психичкото и физичкото здравје и го подобрува имунитетот.
Сонот е исклучително важен како и одморот, особено кога станува збор за имунитетот. Сепак, многумина страдаат од несоница. Едно од три лица спијат помалку од 7 часа во текот на ноќта. Не само што недостигот на сон оневозможува организмот да се бори против инфекции, туку постојат и докази дека недоволното спиење може да влијае на појава на срцеви заболувања и дијабетес тип 2.
Микронутриентите се есенцијални за правилно функционирање на телото, а ако не се дел од вашата исхрана, телото потешко се бори против инфекции.
Најдобриот начин за доволен внесување нутриенти е во денот да изедете 5 оброци кои содржат овошје и зеленчук.