Првата линија на гасоводот Северен поток 2 е исполнета со технички гас и опремена за транспорт, објави компанијата што ќе управува со испораките на руски гас во Европа која ја тресе енергетска криза.
Околу 177 милиони кубни метри технички гас, испумпани за одржување на притисокот, кој сега изнесува 103 бари, беа испумпани во гасоводот, објави операторот на гасоводот, со седиште во Швајцарија.
„Притисокот е доволен за идниот транспорт на гас“, посочуваат тие и додаваат дека започнале подготовки за пуштање во употреба на втората линија.
Гасоводот сега чека дозвола од германските регулатори, а процесот на издавање може да потрае неколку месеци.
Зависноста на Европа од руската енергија
„Северен поток 2“ треба да удвои две руски испораки во Европа на 110 милијарди кубни метри, а беше финансиран од руски Газпром и неговите партнери - австриски OMV, француски ENGIE, британски Shell и германските Uniper и Wintershall Dea.
САД се спротивставија, тврдејќи дека тоа ќе ја зголеми зависноста на Европа од руската енергија. Завршните работи се одолговлекоа, а Европа се соочи со недостаток на гас оваа есен поради големата побарувачка од стопанствата кои се опоравуваат од корона кризата.
Цените на гасот нагло пораснаа, а Меѓународната агенција за енергија (IEA) и некои членови на Европскиот парламент ја обвинија Русија дека не направила доволно напори за зголемување на испораките за Европа.
Во меѓувреме, Москва ги отфрла обвинувањата и вели дека „Северен поток 2“ може да го намали притисокот врз европскиот пазар за гас.
