Платформата GOG одлужи во одреден временски интервал да овозможи бесплатно преземање на популарната игрица, една од најдобрите стратегии на денешницата.
Играта „Shadow Tactics: Blades of the Shogun“ излезе пред точно пет години, но својот живот го започна главно во 2017 година, бидејќи ѝ требаше малку време за да се докаже.
Оваа тактичка игрица кратко време ќе биде достапна за бесплатно преземање, само до 13 часот на 15 декември (по наше време) од платформата GOG, а потребно е само да имате отворена сметка и да ја активирате заштитата во два чекора.
„Shadow Tactics: Blades of the Shogun“ е достапна за играчите во стандардното издание, но не се обесхрабрувајте, бидејќи редовната цена е скоро 40 евра, а годишнината содржи Artbook и Audio музички додатоци, а не дополнителна гејминг содржина.
Исто така, стандардното издание веќе има HD текстури и подобрен гејмплеј, кој беше спакувана во двете изданија на играта во текот на претходниот период.
„Shadow Tactics: Blades of the Shogun“ има оценка 86 на сајтот Metacritic и исто толкав рејтинг од публиката, а покрај тоа што се појави дури на 6 декември 2016 година, таа е една од 20-те најпопуларни игри за таа година и влезе во првите 30 на оваа популарна веб-страница.
Се работи за посебен вид стратегија, овој пат во реално време, при што водите група борци низ различни мисии кои треба да се изведат што е можно подискретно. Соодветно на тоа, секој од членовите на тимот (со различни способности) е како шаховска фигура, која треба да се движи многу внимателно и промислено, за да не ве забележи непријателот и да ги алармира сите други.
Приказната е сместена во Јапонија за време на периодот Едо (1620 година), на различни локации и содржи неколку главни ликови, мажи и жени, секој со свои посебни способности и оружје. Тактиката, паметното планирање и другите елементи на игрицата го прават овој наслов еден од оние што секој гејмер треба да ги доживее.
Барем сега кога е бесплатна...
