Шпанското издание на магазинот People ја прогласи колумбиската пејачка Шакира за најубава жена во светот за 2023 година.
Како што велат, Шакира е „жена која инспирира“, а нејзините квалитети и го донесоа првото место на листата.
Во интервју за шпанското издание на споменатиот магазин, поп-дивата откри дека имало моменти кога нејзиниот свет се срушил и нејзиниот дом се распаднал.
Сепак, колумбиската пејачка откри дека нејзините деца, Милан и Саша, се најголемиот извор на среќа и мотив да продолжи понатаму, да се издигне над неволјите и проблемите што ја снајдоа - вклучувајќи го и разводот со поранешниот фудбалер Жерар Пике.
На годишната листа на познати уметници се најдоа имиња на познати личности од различни сфери на уметноста, како Ана де Армас, Џенифер Лопес, Талија и Ева Лонгорија.
