Манчестер, 24 април 2019 (МИА) – Манчестер Сити го освои тешкото гостување против Манчестер Јунајтед, откако триумфираше со 2:0. Бернардо Силва (54) и Лерој Сане (66) со голови во вториот дел ја донесоа исклучително важната победа за тимот на Пеп Гвардиола.
Со неа „граѓаните“ си го вратија првото место на табелата. Сити има предност од 89 поени, еден повеќе од вториот Ливерпул. Така битката во преостанатите 3 круга до крајот на сезоната ќе биде жестока.
Поразот за Јунајтед беше уште понепријатен поради фактот дека „црвените ѓаволи“ водат битка за пласман во Топ 4. Во моментов, пулените на Оле Гунар Солскјер се на 6-то место со 64 поени, 3 зад Тотенхем. Добрата вест за „црвените ѓаволи“ е поразот на Арсенал со 1:3 како гостин на Вулверхемптон.
Така „топџиите“ се 5-ти на само два бода пред Јунајтед.
