Д-р Џонатан Кинг во интервју за Eat This откри шест типа на луѓе кои никогаш не треба да пијат пиво.
Луѓе кои страдаат од дијабетес и преддијабетес
Малкумина размислуваат за шеќер кога посегнуваат по пиво. Сепак, иако на листата на состојки нема шеќер, тој природно се формира за време на ферментацијата.
„Пивото може многу брзо да го подигне шеќерот во крвта, а ако го пиете на празен стомак, може да го подигне и нивото на инсулин и да предизвика хипогликемија, што е исто така опасно“, вели д-р Кунг.
Луѓе кои се на диета или се дебели
Ако се обидувате да изгубите неколку килограми, можеби е паметно да се држите настрана од пивото. Имено, има од 100 до 200 калории, а речиси и да нема никаква хранлива вредност. Една студија покажа дека пиењето повеќе од половина литар пиво дневно може да го запре губењето на тежината, особено кај мажите. Затоа, ако сакате да изгубите тежина, заменете го шишето пиво со шише вода.
Луѓе кои се чувствителни на глутен
Оние кои се на диета без глутен треба да се обидат да избегнуваат пиво бидејќи тоа може да стимулира дигестивни проблеми.
„Пивото често може да ги активира воспалителните процеси во дигестивниот систем, што може да резултира со непријатни дигестивни проблеми“, вели Кунг. За среќа, има и безглутенски пива.
Луѓе кои страдаат од синдром на нервозно дебело црево
Дигестивните проблеми не се забавни за никого, а најмалку за оние кои страдаат од овој синдром.
„Пивото често предизвикува надуеност, гасови, дијареа, а понекогаш и стомачна болка бидејќи кај некои го иритира абдоминалниот ѕид, а кај други предизвикува задржување на вода“, вели Кунг.
Луѓе кои страдаат од хронично заболување на црниот дроб и цироза
Ако страдате од заболување на црниот дроб или цироза, не пијте пиво.
„Пивото е алкохол кој дополнително може да ја зголеми штетата кога ќе се метаболизира од веќе оштетениот црн дроб. Ова може да предизвика намалена функција на тој орган“, објаснува Кунг.
Луѓе кои страдаат од жиговина
Пивото треба да се додаде на листата на намирници и пијалаци кои ги избегнувате доколку страдате од жиговина.
„Пивото е познато дека ја намалува способноста на езофагеалниот сфинктер да се затвори, а тоа резултира со зголемено враќање на киселината во хранопроводникот“, рече Кунг.