Британскиот експерт за зоолошки градини, Ентони Шеридан, ја одбра зоолошката градина Шенбурн во Виена за најдобра во Европа, шеста година по ред.
Во категоријата градини со повеќе од еден милиони посетители во текот на годината Шенбурн е на првото место пред зоолошките градини во Лајпциг и Цирих.
Од почетокот на рангирањето во 2008 година виенската зоолошка градина се наоѓа на врвот на листата. Вкупно 126 зоолошки градини од 29 земји учествуваа во рангирањето.
Оценувани се во 40 категории како што се чување на животните, заштита на видовите, зоо-педагогија, истражување, број на посетители, чувари, маркетинг и гастрономска понуда.
Зоолошката во Шенбурн долго време служи и како место за истражување, образование, но и за зачувување на видовите.
Последната година бележи повеќе значајни настани како успешно одгледување коали, отворање нов објект за вид мајмуни, раѓање на четири гепард младенчиња и добивање потомство на поларни мечки.
„Прогласувањето за најдобра зоолошка градина во Европа е важно признание за нашата работа. Една од нашите примарни цели е да го запреме изумирањето на видовите“, изјави Штеван Херинг Хагенбек, директор на зоолошката Шенбурн во Виена.
