Двајца навивачи на шкотски Ренџерс одлучиле на натпреварот против Црвена звезда да одат со кола. Сѐ било во ред додека не стигнале на Балканот.
Познато е колку навивачите од Островот се опседнати со фудбалот, а особено со гостувањата на нивните клубови и репрезентации во Европа. Тие се редовни посетители на сите натпревари на гости низ Стариот континент, а често прават и големи нереди.
Тепачка се случи и пред натпреварот Црвена звезда - Ренџерс кој се игра вечерва, но пред натпреварот имаше и позитивни и интересни случки.
Двајца навивачи на Ренџерс, Џек и Џон, тргнале со кола од Килмарнок до Белград. Сѐ минало добро бидејќи поминале низ Белгија, Холандија, Германија, Австрија и Унгарија, а потоа почнале проблемите.
Прво залутале на Косово, па се вратиле на вистинскиот пат, а потоа се нашле дури во Босна и Херцеговина. Да биде бељата поголема, возел само едниот бидејќи другиот и воопшто не знае да вози.
За среќа на навивачите, после Босна и Херцеговина немале повеќе лутање туку пристигнале во Белград каде нивниот омилен тим вечерва ќе одигра важен натпревар од Лига Европа.
Од Килмарнок во Шкотска до Белград во Србија има околу 3.000 километри според рутата која ја планирале преку Белгија, Холандија, Германија, Австрија и Унгарија и се стигнува за околу 30 часа. Но, нашите јунаци минале 5.600 километри (3.480 милји) за кои им требале 36 часа.
Тие оваа авантура ја раскажаа во една радио емисија што ја води шкотски медиум, а водителот не издржа, па се насмеа на цел глас.