Барселона синоќа ја започна новата сезона на Лигата на шампионите со тежок пораз на домашен терен од Баерн со 3:0, што покажа дека каталонскиот гигант се соочува со тешки денови по завршувањето на ерата на Лео Меси.
Се разбира, таков резултат е главната спортска вест на денот во Шпанија, така што сите спортски дневни весници му посветија насловна страница.
„Кутра Барса“ е на насловната страница на Marca, каде се споменуваат свирежите за Серхио Роберто и двата гола на Левандовски, и се истакнува дека Барселона одигра слабо против Баерн кој беше гладен за голови и дека натпреварот го одигра исклучително млад тим.
AS на насловната напиша: „Уште еден туш“. Како главни точки од натпреварот, се напоменува дека Барселона не испратила ниту еден удар во рамките на голот, како и резигнираноста на вице-капитенот Пике.
„Тоа ти е“, е токму неговата изјава, која во прв план ја стави El Mundo Deportivo, кој пишува дека тренерот Куман зборувал со ист тон. Тој додава дека Баерн покажал супериорност против импотентната Барселона и дека нешто позитивно може да се најде само во перформансите на младите играчи.
Sport на насловната страница гласи „Тажна реалност“. Тој нагласува дека Барселона играла како мал тим и ги покажала сите свои слабости против супериорниот Баерн. Тој заклучува дека ваквata Барса е далеку од најдобрите тимови во Лигата на шампионите.