Xiaomi го проширува доменот на своите технолошки активности, а сега неговиот прв излет во светот на електричните автомобили почнува да го добива обликот.
Новите шпионски фотографии понудија прв поглед во првиот електричен модел на Xiaomi. Овие фотографии доаѓаат од кинеската платформа за социјални медиуми 小红书 (Xiǎohóngshū), позната како кинескиот Instagram, и прикажуваат електричен седан со модерен дизајн, кој е видлив и покрај стратешката камуфлажа и недостатокот на компоненти.
На фотографиите се прикажани врати без рамка, скриени рачки на вратите кои ќе придонесат за аеродинамиката, а има и приклучок за полнење во задниот дел на автомобилот. Логото на Xiaomi ги краси звучниците на вратите.
Автомобилските амбиции на компанијата ѝ беа откриени на јавноста на 30 март 2021 година, кога производителот на паметни телефони објави инвестиција од 1,28 милијарди евра во првата фаза од автомобилскиот проект. Во следните десет години се очекува да се инвестираат вкупно 9 милиони евра, што покажува дека Xiaomi е сериозен кон своите амбиции.
Планот на Xiaomi за автомобилската индустрија вклучува воспоставување значително влијание во Пекинг. Планот е да се изгради мултифункционално седиште кое ќе вклучува продажба и истражување и развој, како и производствен погон во Јичуан (предградие на Пекинг) дизајниран да произведува 300.000 автомобили годишно.
Иако компанијата не зборува многу за својот напредок на полето на електричните автомобили, Xiaomi сепак има стабилен моментум, а производството на првиот модел би требало да започне во 2024 година.