Филм & ТВ

Што би променила избришаната сцена во култниот филм „Titanic“?

13. ноември 2017 - 20:31 | М.Д.

Познатиот филм „Titanic“ на Џејмс Камерон кон почетокот на ноември наполни 20 години од премиерата.

Филмот остана запаметен по должината, цената, по фактот дека поради потребите за снимање беше направена речиси идентична копија на познатиот брод, како и по неколку антологиски сцени.

Дали некогаш сте се запрашале, дали можеби филмот би можел да биде уште подобар? Најверојатно можел.

Една избришана сцена можела да биде „шлаг на тортата“ на со Оскар наградената романтична комедија, секако, доколку не била исфрлена.

Иако скратената верзија од сцената, во која преживеаните од бродот помагаат да влезат во спасувачкиот брод Карпатија ја има во филмот, подолгата верзија од оваа сцена открива многу повеќе детали, кои веројатно би оставиле многу поголем впечаток кај гледачите.

Во изоставениот дел може да се забележи чувство на вина на лицето на Џозеф Бруса Исмеј, високо рангираниот офицер на компанијата која била сопственик на „Titanic“, а кој од различни страни бил карактеризиран како кукавица во страшната трагедија.

Ја гледаме и Роуз која влегува во бродот, во моментот додека мајка и ја бара.

Во сцената кратко се појавува и нејзиниот вереник Кал, чија судбина останува неразјаснета во основната верзија на филмот.

Погледнете ја сцената, па сами проценете што би променила во филмот. 

 

Коментирај