Дали некогаш сте сакале да знаете за што фантазираат жените кога мастурбираат? Благодарние на обемното истражување на LoveHoney, една од најголемите компании за секс-играчки на светот, сега има одговор на прашањето „што мисли жената кога се самозадоволува?“
Истражувањето во кое биле опфатени 4.500 испитаници покажа дека 59% од мажите и 65% од жените редовно мастурбираат, и кога се сингл и во активна врска. Некои можеби ќе речат дека потребата за самозадоволување наместо секс со партнерот е знак дека нешто „не штима“ во врската, но експертите велат дека ова „време за себе“ е сосема здрава и корисна навика.
Она што е најинтересно во резултатите од ова истражување е дека фантазијата број еден и кај мажите и кај жените е иста: фантазираат за актуелниот партнер/партнерка. Испитаниците рекле дека најчесто фантазираат за секс со саканата личност кога мастурбираат: 69% од мажите и 60% од жените.
Не се разочарувајте, но втората најчеста фантазија за 58% од мажите и 48% од жените е секс со бившата/бившиот. Не се разочарувајте, сепак 60% од времето мисли на вас.
Трета најпопуларна фантазија за самозадоволување, кај 57% од мажите и 43% од жените е еротика/порно, а потоа следат секси игри со улоги и БДСМ на четврто и петто место со по 30% застапеност и кај мажите и кај жените.
Истражувањето исто така покажа дека поголемиот дел од испитаниците не сметаат дека мастурбирањето им го намалува уживањето во сексот со партнерот. Напротив, 21% од мажите и 34% од жените сметаат дека самозадоволувањето им го подобрува сексуалниот живот.
„Фантазиите им овозможуваат на моногамните двојки да го добијат задоволството од ‘нов’ секс без да биде загрозена врската со неверство“, изјави за „Playboy“ Трејси Кокс, експертка за секс и врски.