Во нова студија објавена во PLOS One истражувачите испитуваа што им е сексуално атрактивно на мажите и на жените. Резултатите покажаа дека постои одредена нијанса меѓу приоритетите на мажите и на жените и тие се менуваат со годините.
Тим истражувачи од Queensland University of Technology во Австралија анализирале повеќе од 7.000 жители на земјата на возраст од 18 до 65 години. Учесниците добиле девет специфични особини поделени во три категории за да ги оценат според важноста на скала од 0 до 100.
По анализата на резултатите, научниците откриле дека мажите и жените всушност имаат релативно слични приоритети. Карактеристиките и особините како телесната градба и привлечноста се сметаа за исклучително важни.
Интелигенцијата, возраста, образованието, приходите и емоционалната поврзаност им се поважни на жените отколку на мажите. Од друга страна, за мажите се важни физичкиот изглед и привлечноста.
Сепак, како што старееме, се менуваат и приоритетите. Мажите поголемо значење ѝ придавале на естетиката, но меѓу повозрасните учесници има отстапувања. Помладите жени сметаат дека личните карактеристики се поважни за разлика од помладите мажи.
Авторите велат дека резултатите од студијата се поклопуваат со тоа што веќе го знаеме во врска со сексуалната привлечност, а се истакнува дека склоностите се менуваат со годините. И за мажите и за жените склоноста кон привлечност не е поврзана со годините, но склоноста кон отвореност и доверба е поврзана позитивно со годините.
Физичката привлечност може да биде важна во текот на целиот живот, но колку што старееме толку повеќе нашата личност и карактерните особини ќе бидат поголем фактор за детектирање на привлечност.