Возењето велосипед е здраво за вас, тоа сигурно веќе го знаевте.
Здравствени придобивки од возење велосипед има многу.
Велосипедот може да ви помогне да согорите и до 600 калории на час, а вашиот метаболизам ќе биде активен дури и неколку часа потоа.
Интересно е што кога возите велосипед, не забележувате дека воопшто вежбате.
Подобар сексуален живот
Научниците сметаат дека одредени спортови го подобруваат сексуалниот живот, покрај добро познатиот факт дека физичката активност од каков било вид го подобрува расположението и го крева либидото, особено кај жените.
Во резултатите од истражувањето на Универзитетот на Калифорнија во Сан Франциско објавени во MedicalXpress, стои дека жените кои редовно возат велосипед имаат зголемена желба за секс, односно повисоко либидо.
Жените кои возат велосипед како редовна физичка активност имаат и подобра сексуална функционалност и помали шанси да се јави физичка непријатност за време на сексот, во споредба со жените кои не спортуваат.
Ова истражување ги поби некои досегашни истражувања кои укажуваа дека велосипедистите почесто имаат сексуални проблеми во споредба со оние кои не возат велосипед.
Во истражувањето беа опфатени 3.118 жени од кои половината редовно возат велосипед. Лекарите ја споредиле нивната општа здравствена состојба, земајќи ги предвид параметрите како возраст, општа состојба на кардиоваскуларниот систем и индексот на телесна маса.
Одличен начин да се поврзете како семејство
Ако сте родители, треба да знаете дека возењето велосипед им помага на вашите деца да имаат поголема свест за придобивките од физичката активност и здравиот начин на живот, што спречува дебелеење што е штетно за психофизичкото здравје.
Возењето велосипед заедно е одлична семејна активност што ќе ви помогне подобро да се поврзете со децата и да им ги пренесете здравите животни навики.
Погледнете што ќе се случи со вашето тело ако секој ден возите велосипед барем еден час.
