Audi таинствено ја најави премиерата на нов автомобил во Париз наредната недела, а јавноста е речиси убедена дека е во прашање новиот R8.
Компанијата од Инглоштад дополнително ја разбуди имагинацијата кај љубителите на овој бренд, преку фотографија на која се гледа новиот модел, меѓутоа покриен со црна покривка.
Првата асоцијација е на моделот R8, најмногу поради тоа што прстените се поставени над предната маска, а не на самата маска како кај другите модели.
Многумина ќе кажат дека тоа е случај и кај TT S и TT RS моделите, но самата фотографија укажува на многу поширок автомобил и фарови во стилот на R8.
Меѓутоа, се шпекулира дека не станува збор за комерцијална верзија на R8, туку за тркачка варијанта.
Во секој случај, познавајќи го Audi, не треба да очекуваме драстични промени во дизајнот, додека за погон се шпекулира дека ќе биде задолжен стандардниот 5,2 литарски V10 FSI бензинец.
Многумина се надеваат дека во стандардната верзија би можел да се најде 2,9 литарски V6 твин-турбо мотор, но од Audi истакнаа дека немаат намера да го намалуваат агрегатот на шест цилиндари.
Останува само да почекаме да дојде вторник, кога Audi и ќе го открие мистериозниот R8.