Ве боли цело тело, имате температура, кашлате, ви тече нос и најверојатно станува збор за грип. Ако е така, постојат неколку работи кои докторите тврдат дека никако не би требало да ги правите кога имате грип.
1. Прескокнете лекови против кашлица
Грипот може да предизвика лоша кашлица поради која сте исцрпени и изморени. Но, лековите за кашлица кои можете да ги купите без рецепт едноставно не се од помош. Тоа е затоа што дозите кои ја спречуваат кашлицата во таквите лекови се премногу ниски, тврдат докторите.
2. Не земајте антибиотици
Грипот предизвикува вирус, а антибиотиците лечат бактериски инфекции. Би било добро за секое земање на лек да се консултирате со доктор, а антибиотици никогаш немојте да земате на своја рака.
3. Немојте постојано да лежите
Одмарањето за време на грип е од големо значење, но лежењето не им помага на белите дробови. Подобро би било да се потпрете на перница во креветот, бидејќи така полесно ќе се исчистат белите дробови. Ако вашата глава е исправена, полесно ќе дишите и помалку ќе кашлате.
4. Избегнувајте алкохол
Поради алкохолот нема да имате добар сон, а доведува и до дехидрација. Со целото тоа и поради грипот ќе се чувствувате значително полошо. За да оздравите од грип најважно е да одмарате и да пиете многу течности (чај, вода).
5. Не ја симнувајте температурата со ладен туш
Експерти предупредуваат дека ладниот туш нема да ја намали температурата, туку ќе ја влоши состојбата. Подобро решение е туш со млака вода.
6. Не одите на работа
Ова е нешто што не треба посебно да се нагласува, но никако не одете на работа. За излекување е клучно да сте дома и да одмарате, а со одењето на работа само ги загрозувате вашите колеги. Според некои препораки, се советува да не одите на работа се додека барем 24 часа немате температура и тоа без земање на лекови за симнување на температура.