Пари Сен-Жермен повторно доживеа пораз на гостување - Меси, Нејмар и Мбапе делуваа тотално немоќни во Рен.
Фудбалерите на ПСЖ го претрпеа вториот последователен пораз на гости. Овојпат подобар беше Рен со минимални, но доволни 1:0.
Парижаните иако имаа голема бодовна предност во однос на неколку екипи кои се обидуваат да ги пратат, таа веќе се стопи. Ланс по синоќешните резултати сега заостанува само три бода зад ПСЖ, што до пред неколку недели беше незамисливо.
Стрелец на единствениот гол на натпреварот одигран синоќа во вечерниот термин беше Хамари Траоре во 65. минута и тоа во период кога ПСЖ напаѓаше. Прими повратна топка од десната страна, а потоа од прва со лева убаво погоди за водство на домашните.
Следуваа жестоки напади на парижаните. Килјан Мбапе, Лионел Меси и Нејмар играа заедно, но без резултат.
И покрај иницијативата и големиот притисок, ПСЖ упати само еден удар во голот на домаќините, па победата на Рен, деветта во низа на домашен терен, беше повеќе од заслужена. Ова е втор пораз за ПСЖ во последните три натпревари, откако претходно падна и кај Ланс со 3:1.
ПСЖ останува прв со 47 бодови, но само три повеќе од Ланс и пет од залетаниот Марсеј, кој гази сѐ пред себе.
Табела: