Што следи по омикрон и кога конечно ќе заврши пандемијата?

По 25 месеци пандемија, нормалниот живот на многумина им изгледа како фантазија, а многумина изгубија надеж дека пандемијата ќе заврши годинава.

Сепак, многу експерти за заразни болести велат дека оваа година е можен крајот на пандемијата на коронавирус, но не мислат дека вирусот ќе исчезне.

„Мислам дека ако направиме сѐ како што треба, ќе имаме 2022 година во која Ковид нема да доминира толку многу во нашите животи“, рече за CNN Том Фриден, кој беше директор на Центрите за контрола и превенција на болести во САД (CDC) за време на претседателот Обама, а сега е извршен директор и претседател на организацијата Resolve to Save Lives.

Како ќе изгледа следниот дел од пандемијата и кога ќе се случи, се прашањата што ги постави д-р Ивон Малдонадо, епидемиолог и специјалист за заразни болести, а нејзините колеги се обидоа да најдат одговори. Досега имаше општ консензус меѓу експертите за тоа што може да се случи следно: „Навистина не знаеме точно“, рече Малдонадо.

Постојат модели и лекции од минатите пандемии, но начинот на кој се појави многу заразната варијанта омикрон ја искомплицира ситуацијата. „Никој од нас не го очекуваше омикрон“, рече Малдонадо. „Па, имаше навестувања, но не очекувавме дека ќе се случи токму како што се случи.

Омикрон предизвика многу проблеми и за Европа и за САД. Повеќе од четвртина од сите случаи на пандемијата во САД беа пријавени во изминатиот месец, за време на зголемување на бројот на заразени со омикрон. Но, се чини дека бранот го достигна врвот во многу области, додека во некои држави како Џорџија сè уште предизвикува големи проблеми.

Јужноафриканските научници првпат ја открија варијантата во ноември, а набрзо таму случаите го достигнаа својот врв и опаднаа. Истото се случи и во Велика Британија, а експертите веруваат дека тоа ќе се случи насекаде.

Џон Шварцберг, експерт за заразни болести и вакцинологија и почесен клинички професор на Универзитетот во Калифорнија, рече дека на краток рок може да каже дека следните четири до шест недели сигурно ќе бидат доста тешки. Од пролет до лето, тој верува дека ќе биде исто како и минатата година, со постојан пад на бројот на заразени.

Коронавирусот, вели тој, веројатно никогаш нема целосно да исчезне. „Убеден сум дека ќе се појави уште една верзија на вирусот“, рече Малдонадо. „Тоа е сценарио кое навистина додава неизвесност на она што следува.“

Нова варијанта на коронавирусот во иднина

Следната варијанта на коронавирусот може да биде подеднакво или дури и повеќе пренослива од омикрон.

„Воопшто не е јасно што е следно“, рече др. Џорџ Радерфорд, епидемиолог на Универзитетот во Калифорнија, Сан Франциско. Тој рече дека вирусот може постепено да мутира, како што се случи со алфа и бета варијантите. Или може да направи навистина голем скок, како со делта и омикрон.

Вирусот на грип H1N1, на пример, беше нов вирус кога ја започна една од најлошите пандемии во историјата во 1918 година - зарази една третина од светската популација и уби 50 милиони луѓе, пишува CNN. Таа пандемија на крајот заврши, но вирусот е сè уште со нас денес.

Малдонадо посочува дека светот мора да се фокусира на заштита на оние кои се подложни на сериозни болести, дека сите треба да се вакцинираат, да имаат пристап до моноклонални антитела и антивирусни лекови.

Најлошото сценарио по омикрон би било новите варијанти да ја избегнат заштитата што ја носи вакцината, но научниците веруваат дека шансите тоа да се случи се мали.

Ентони Фаучи, директор на Националниот институт за алергија и заразни болести во САД, рече дека се надеваат дека ќе го избегнат ова сценарио, но дека ништо не е сигурно и дека се подготвуваат за најлошото.

реклама

Заврши најкрвавата битка во Украина, Азовстал во рацете на Русите

Read more

Полска бара демилитаризација и преименување на Калининград, Русите се изнасмеаја

Read more

Необична снимка: Уште еден доказ дека со Путин нешто не е вo ред?

Read more

По разделбата со Лиса Бонет, Џејсон Момоа во врска со 10 години помлада колешка

Read more

Здравје

Помалку познати рани знаци на бременост

Read more

Сурутката ги чисти црниот дроб и цревата, но која е подобра – кравја или козја?

Read more

Дали начинот на кој седите може да ви го продолжи животот?

Read more

Зошто со годините потешко го поднесуваме мамурлакот?

Read more
 

Магазин

Седум прашања што треба да си ги поставувате пред роденденот

Читај повеќе

Помалку познати рани знаци на бременост

Читај повеќе

Љубов предодредена во ѕвездите: Совршената хороскопска двојка

Читај повеќе

Сурутката ги чисти црниот дроб и цревата, но која е подобра – кравја или козја?

Читај повеќе

Дали начинот на кој седите може да ви го продолжи животот?

Читај повеќе

Како да ги намалите сметките за струја?

Читај повеќе

Добро Ми Стои кај Претседателот

Читај повеќе

Зошто со годините потешко го поднесуваме мамурлакот?

Читај повеќе

Како најлесно да го исчистите златниот накит?

Читај повеќе