Сексуалната експертка Џес Вајлд за Daily Star даде совети во врска со сексот, поточно колку би требало да трае идеалниот секс. Пет минути или еден час? Сè зависи од вашето расположение.
„Не постојат цврсти правила за тоа колку би требало да трае сексот. Трае додека двете страни не се задоволни со него“, вели таа.
Додава и дека под секс се подразбира од моментот на бакнување додека не одлучите да престанете, иако повеќето луѓе го користат зборот „секс“ за да опишат момент во кој се случила пенетрација.
„Според таа дефиниција, ејакулацијата обично се случува околу пет и пол минути од пенетрацијата. Некои мажи може да ејакулираат и побрзо од тоа, додека на други им е потребно повеќе време“, вели Вајлд.
Траењето на сексуалниот однос може да зависи од многу фактори, како општото здравје, претходните сексуални и научени однесувања, видот на стимулација пред и по пенетрација и слично.
„Сексот не завршува секогаш со огазмот, би требало да заврши кога и двајцата ќе се чувствувате задоволено или кога на едниот веќе не му годи, важно е да запаметите дека сексот кој трае предолго не секогаш е добар, па затоа најважна е комуникацијата“, советува таа.