Штрудла од мак со лиснато тесто е многу едноставен десерт кој одлично оди со шолја кафе, чај или топло млеко.
Оваа штрудла е идеален спој на крцкави кори и меко полнење.
Потребни состојки:
- 1 пакување лиснато тесто
- 200 гр мелен мак
- 300 мл млеко
- 6 лажици шеќер
- 30 гр маргарин (или путер)
- 1 жолчка
Подготовка:
Прво згответе го макот. Во тенџере ставете млеко, маргарин или путер и варете на тивок оган. Кога млекото ќе почне да вари, додадете го макот и варете околу 10 минути. Потоа додадете шеќер и оставете да вари уште 5 минути.
Додека смесата се готви, подгответе го лиснатото тесто. Кога смесата ќе биде доволно густа, наредете ја на тестото и се ролајте. Ставете ја штрудлата во тава на која претходно сте ставиле хартија за печење и премачкајте ја со жолчка од јајце. Печете на 180°C околу 30 минути.