Шведска ќе ја преиспита стратегијата во борбата против коронавирусот

Б.С.Б.
/ 12.05.2020 / 15:36

Шведска ќе ја ревидира стратегијата во борбата против коронавирусот откако процентот на смртност во домовите за стари лица излезе од контрола, пренесува Bloomberg.

Премиерот Стефан Лофвен планира да потроши 220 милиони долари на здравствен персонал за да се заштити највозрасната популација во државата. Уште толку пари ќе бидат наменети за локалните власти за дополнителните трошоци кои ги имаа во борбата против пандемијата, објави Владата.

Како и во останатите земји во светот, и во Шведска има најголем број на починати од повозрасно доба, но критичарите тврдат дека многу од тие жртви би можеле да бидат избегнати ако властите подобро се фокусираа на заштитата на најранливите категории.

Шведска веќе покрена истрага поради големиот степен на смртност во домовите за стари лица. Половина од оние постари од 70 години, кои починаа од последици на COVID-19, живееја во домови, покажува статистиката. Вкупниот број на починати во Шведска од коронавирус е 3.370. Бројот на заболени е 27.874, додека направени се 148.500 тестирања.

Шведскиот пристап на пандемијата стана топ тема на меѓународни дебати, откако Швеѓаните зазедоа порезервиран став од останатите држави. Наместо строги рестрикции и карантин тие надежта ја ставија во примерното однесување на жителите и нивната способност да се придружуваат на правилата на социјално дистанцирање.

Во земјата цело време се отворени теретаните, училиштата, рестораните и продавниците. Економијата засега е заштитена од најлошото, но процентот на починати е 32 проценти на секои 100.000 жители.

За споредба, најпогодена земја во светот е САД, каде има 24 проценти на смртност, додека во Данска е 9 проценти. Главниот епидемиолог на Шведска, Андерс Тегнел вели дека борбата против коронавирусот е долготраен процес, мислејќи притоа дека привремените мерки за карантин се краткорочни решенија. Штом се укинат, заразата ќе продолжи, смета тој. Наместо тоа, умерените мерки на рестрикција кои дозволуваат нормален живот се поефективни и му овозможуваат на општеството полесно да ја мине епидемијата.

За разлика од Шведска, Данска воведе модел кој покажа конкретни резултати. Оваа земја рано одлучи да воведе карантин и строги рестрикции. Сега се наоѓа во втората фаза на повторно оживување на економијата, а најновите податоци сугерираат дека опаѓа бројот на заразени. Процентот на смртност е скоро третина на оној во Шведска.

Сега во Данска се отворени поголем дел од институциите, училиштата и фризерските салони. Оваа недела ќе бидат отворени и трговските центри, прв пат во два месеци, а музеите и кината во следниот период. Во оваа земја се регистрирани 10.669 позитивни случаи, 533 починати и 8.328 закрепнати. Активни случаи има 1.730. Досега се направени 334.260 тестирања.

реклама

Зошто авионите не летаат преку Тихиот Океан?

Read more

Го зголемува ризикот од инфекција: Кој е најлошиот избор на заштитна маска?

Read more

Најнезаборавните пенали во поновата фудбалска историја

Read more

Какви порно филмови сака секој хороскопски знак?

Read more

Свет

СЗО: Ставете ги контактите во изолација

Read more

Силен земјотрес ја погоди Алјаска, издадено предупредување за цунами

Read more

Предупредување од Русија: Постои ризик од епидемии на вештачки вируси

Read more

Дневен преглед на состојбата со COVID-19 во светот

Read more

Вести

Нови 408 случаи на COVID-19, оздравени 280, починати четири лица

Читај повеќе

Најдено починато лице во Затвор Скопје

Читај повеќе

Филипче: Мерките за заштита од COVID-19 кои се во Собранието итно да се донесат

Читај повеќе

Преку партнерството на Httpool со Spotify, брендовите ќе можат да им се обратат на љубителите на музиката

Читај повеќе

Физичка пресметка помеѓу кичевци, eдниот заврши во Ургентен

Читај повеќе

Заев: Има сериозни аргументаци за носењето маски на отворено

Читај повеќе

Заев: Бугарија не бара промена на Уставот

Читај повеќе

Половина од новозаразените се од Скопје, најголемиот дел се од 30 до 39 години

Читај повеќе

Претрес во Кочани, расчистени 11 тешки кражби

Читај повеќе