Група шведски научници упатија апел до владите да не се потпираат на „имунитетот на стадото“, мерка што Шведска ја презеде како одбрана од пандемијата со COVID-19. Потписниците на писмото тврдат дека таквата мерка се покажала како неделотворна и промашена.
Во писмото објавено во магазинот USA Today, шведските научници апелираат до другите држави и влади да „не прават како Шведска“.
Шведските власти наместо карантин како заштита од ширењето на новиот коронавирус, се потпреа на совеста на граѓаните, воведоа ограничување на собирите, но отворени останаа сите структури.
Шведските научници тврдат дека во земјата има 4,5 пати повеќе инфицирани луѓе со COVID-19 отколку во другите нордиски држави и седумпати повеќе смртни случаи на милион граѓани во споредба со соседните земји.
И покрај големиот број на заразени властите не ги сменија мерките, па вкупниот број на инфицирани лица во Шведска изнесува 75.000, од кои 5.600 починаа од последици од новиот коронавирус.
Научниците предупредуваат дека во иднина можно е зголемување на бројките на новозаболени и на смртни случаи.
