Епископот Чарлс Елис, кој го водеше погребот на Арета Френклин, ја шокираше јавноста со своето однесување. Имено, тој за време на службата ѝ ги допираше градите на младата пејачка Аријана Гранде, а потоа кажуваше шеги на сметка на нејзиното име.
Заедно со својот свршеник, Пит Дејвидсон, 25-годишната пејачка Аријана Гранде отпатува до Детроит за да присуствува на погребот на Арета Френклин, каде и ја изведе една од најпознатите песни на покојната соул кралица, нумерата „A Natural Woman“.
Откако ја испеа песната, епископот Чарлс Ерис, кој го водеше погребот, ја доведе пејачката до подиумот, а потоа кажуваше шеги за нејзиното име - истакнувајќи дека звучи како име од менито од рестораните за брза храна Taco Bella, а потоа со десната рака ги допре нејзините гради.
Овој непријатен момент го забележаа камерите, па фотографиите бргу се проширија по социјалните мрежи.
Поради овие критики и огромниот притисок, Чарлс Елис се огласи во медиумите, односно се извини поради своето однесување во интервју кое го даде за „The Associated Press“.
„Немав намера да допирам гради на која било жена. Не знам, претпоставувам дека ја ставив раката околу неа и можеби ја поминав границата, можеби бев премногу слободен и пријателски настроен, но се извинувам“, рече Елис.
Епископот исто така се извини и за шегата која ја кажа, а која се однесуваше за името на пејачката.
„Лично и искрено и се извинувам на Аријана, на нејзините фанови и на целата шпанска заедница. Кога правиш програма од девет часа се обидуваш да ја одржиш во живот, односно се обидуваш да вметнеш некои шеги“, додаде тој.
Покрај Чарлс, непристојно однесување кон Аријана покажа и ниту помалку, ниту повеќе, туку поранешниот претседател на Америка, Бил Клинтон.
Слично како и епископот, ниту тој не можеше да и одолее на убавата и харизматична пејачка, па како што пишуваат светските медиуми, тој едноставно не можеше да го тргне својот поглед од неа додека таа настапуваше.
Бил буквално не можеше „да ги тргне очите“ од убавата Аријана, па го следеше секој нејзин чекор на сцената.
Моментот на неговото полно внимание и концентрираност кон пејачката го забележаа камерите, па неколку слики почнаа да кружат по социјалните мрежи.
Очекувано, на Twitter набргу се појавија многу шеги по повод ова однесување на поранешниот претседател.