Португалскиот фудбалер Кристијано Роналдо објави фотографии и видео од Саудиска Арабија на кое ѝ покажа на светската јавност како го поминува слободното време во својот дом.
Очекувано, Португалецот е во друштво на својата партнерка Георгина Родригес, што е само уште еден доказ дека гласините за раскинување биле лажни и дека сѐ е во најдобар ред меѓу нив во моментов. Во најмала рака, дека се заедно и дека сакаат да го претстават својот живот како среќен.
Дека навистина е така покажуваат и фотографиите на насмеаните родители, кои во друштво на своите деца уживаат во сончевиот ден и сета убавина што им е достапна во луксузниот објект, кој го имаат во Ријад.
Посебно внимание привлече играта на Роналдо со синот Матео во базенот, при која во еден момент го фрли „на глава“, а тоа видео набрзо се прошири на социјалните мрежи.
„Среќни семејни моменти“, напиша Роналдо на својот Instagram профил, а на видеото може да се види дека е одлично расположен.
Роналдо сезонава одигра вкупно 31 натпревар, 16 за Манчестер Јунајтед и 15 за Ал Наср, а го напушти клубот од „Олд Трафорд“ во пресрет на Мундијалот во Катар. Во Саудиска Арабија постигна 12 гола на исто толку првенствени натпревари.
