Слаткото куче по име Бејли стана познато на социјалните мрежи поради неговата сличност со цртаниот лик Снупи.
Тој е мешавина од староанглиски овчар и пудлица. Двете раси се познати по тоа што се дружељубиви и разиграни. Популарниот Instagram профил Doodle Dogs Club сподели фотографии и снимки од Бејли минатата година со натпис:
„Запознајте го Бејли, кој е како пресликан Снупи. Со големи уши и нос што личи на копче, тој е совршената реална верзија на нашето омилено куче од цртаниот филм“.
Објавата досега собра речиси два милиона лајка. Бејли има свој профил на Instagram, а моментално има повеќе од 400.000 следбеници.
„Оваа година беше неверојатна. Неочекувано се поврзав со прекрасни пријатели како што сте вие. Никогаш не замислував дека ќе бидам дел од глобална заедница, но еве ме. Благодарен сум за пријателствата. Вашата поддршка, убавите зборови и љубов го направија сето ова незаборавно“, се наведува меѓу другото во описот на фотографијата на Бејли, која беше споделена на крајот на минатата година.
Снупи првпат се појави во 1950 година во стрипот „Peanuts“ од Чарлс М. Шулц, кој имал намера да го нарече Снифи, но се предомислил. На самиот почеток Снупи не му припаѓал на момчето Чарли Браун. Снупи има и птица милениче наречена Вудсток.
