Најстудено изутринава е на Попова Шапка каде во 7 часот се измерени -6 степени и има снежна покривка од 83 сантиметри. Во Маврови Анови се регистрирани -4 степени, Лазарополе и Крушево -3, Берово -2, Крива Паланка -1, нула степени во Тетово, Прилеп, Штип, Струмица, Виница, Дебар, Претор, 1 степен над нулата во Скопје-Зајчев Рид, Скопје-Петровец, Битола, 2 во Охрид, 3 во Демир Капија, а 4 во Гевгелија и Дојран.
Снежна покривка има и во Маврови Анови 20 сантиметри, Лазарополе 10, Крушево и Берово 7, Крива Паланка и Ѓуриште 4, Пожаране 2 и Дебар, Тополчани 1 сантиметар, информира Управата за хидрометеоролошки работи. Ситен снег врне и во Скопје.
Времето денеска ќе биде претежно облачно и студено со повремени врнежи од снег, а во некои од пониските места од дожд и снег. Ќе дува слаб до умерен, а долж Повардарието повремено засилен ветер од северен правец. Максималната температура ќе достигне од 1 до 5 степени.
Во Скопје облачно со повремени врнежи од дожд и снег. Ќе дува умерен ветер од северен правец. Максималната температура ќе достигне до 5 степени.
