Откако ајкула беше снимена на околу 3 километри од брегот на Закинтос, на социјалните мрежи се појави уште едно видео снимено во близина на грчки остров каде се наоѓа една од најубавите плажи во Европа.
„Ајкула е видена на друг остров во Грција. Островот Серифос, на 80 метри од брегот“, стои во описот на снимката од ајкулата на Instagram, објавен на профилот nikana.gr.
„Не се гледа многу убаво, но изгледа како сина ајкула. Инаку, сините ајкули ретко ги напаѓаат луѓето. Од 1580 до 2013 година, сината ајкула каснала луѓе само 13 пати, од кои четири завршиле со смрт, додека 10 до 20 милиони од овие ајкули се убиваат од луѓето секоја година и можат да станат загрозен вид“, забележуваат познавачите, додека други стравуваат дека ако е мако ајкула, најбрзата ајкула во светот, исто така нема да биде првпат да залута на грчките острови.
