Софија Вергара и нејзиниот сопруг Џо Манганело решија да тргнат секој по свој пат по седум години брак, потврдија извори за People.
Актерката (51) од Modern Family се омажи со Манганело (46) на раскошна церемонија на Палм Бич во ноември 2015 година, но парот сега соопшти дека донел тешка одлука за разделба и побара приватност.
„Донесовме тешка одлука да се разведеме. Како двајца луѓе кои многу се сакаат и се грижат еден за друг, учтиво молиме да се почитува нашата приватност во овој момент додека поминуваме низ оваа нова фаза од нашиот живот“, вели парот во заедничка изјава.
Веста доаѓа откако Вергара беше забележана како го прославува роденденот во Италија без Манганело.
Вергара, која со првиот сопруг Џо Гонсалес го има 31-годишниот син Маноло, го прослави својот 51. роденден во Италија со пријателите, без Џо и без нејзиниот венчален прстен, пренесуваат американски таблоиди.
„Софија и Џо веќе некое време се оддалечуваат еден од друг за да размислат за својата иднина“, извор изјави за магазинот.
Двојката последен пат беше видена заедно минатиот месец во Хобокен, Њу Џерси, кога Софија го посети сопругот актер на снимањето на неговиот нов проект Nonnas.
