Колумбиската убавица Софија Вергара на 10 јули наполни 50 години и по тој повод на Instagram сподели фотографии од роденденската прослава која започна ден порано.
Фотографиите покажуваат дека актерката им пркоси на годините со привлечниот изглед и става на која можат да и позавидат помладите девојки.
Актерката викендот го започна со семеен ручек и на социјалните мрежи сподели снимки од дружбата. Таа позираше покрај базен, облечена во црвено-бела тоалета со корсет. Фустанот одлично ги истакна нејзините облини и совршената фигура.
На првата фотографија, 50-годишната актерка позира покрај роденденска торта, а на втората снимка со синот Маноло Вергара и внуката Клаудија Вергара.
Во коментарите, нејзините обожаватели се чудат на нејзиниот младешки изглед и истакнуваат дека изгледа двојно помлада.