Зад додатокот Touring се крие помалку агресивна верзија на неодамна претставениот најмоќен Jaguar, XE SV Project 8, зад кој стои одделението SVO (Special Vehicle Operations).
Без огромниот фиксен спојлер на вратата од багажникот и специфичните апликации на каросеријата (детали што со себе ги донесе одговорот на Jaguar на автомобили како BMW M3, Mercedes C63, Alfa Romeo Giulia Q...), ентузијастичниот оддел SVO го претстави лимитираното издание на моделот XE SV Project 8 Touring кој и понатаму има 5,0-литарски V8 мотор со механички компресор.
Громогласните 600 коњски сили и максималниот вртежен момент од 700 Nm во случајов се доволни за „само“ 300 км/ч, а аProject 8 Touring од 0 до 100 км/ч забрзува за 3,7 секунди. Преносот на силата на задната осовина се обавува со осмостепен автоматски менувач.
Најбрзите и најсреќните купувачи ќе имаат избор од четири бои на каросеријата, а од SVO велат дека ова издание е наменето за „клиенти кои преферираат врвни перформанси во дискретно пакување“.
Ексклузивноста се потврдува со фактот дека овој модел доаѓа во само 15 примероци. Вистински избор само за вистински колекционери.