Времето утре, 22 јуни, ќе биде сончево и топло со мала до умерена облачност и со слаб до умерен северозападен ветер, особено вдолж Повардарието и источните делови, соопшти УХМР.
Попладне можна е локална појава на краткотраен дожд и грмежи повеќе во западните планински предели.
УВ индексот ќе изнесува 8. Утринската температура ќе се движи од 10 до 19, а дневната највисока температура на воздухот ќе се движи во интервалот од 29 до 36 степени Целзиусови.
Во Скопје времето ќе биде сончево и топло со мала до умерена облачност и со слаб со умерен северозападен ветер. Температурите ќе се движат од 15 до 33 степени Целзиусови.
Од УХМР најавуваат дека од утре следи период на претежно стабилно, а од средината на неделата и многу топло време со понатамошен пораст на дневната температура.
