Времето во недела во Македонија ќе биде сончево со мала до умерена локална облачност и со слаб до умерен југоисточен ветер.
Утринските температури ќе се движат од -10 Целзиусови степени во западните делови од земјата, до нулата на југот. Максималните дневни, пак, се очекува да се движат во интервалот меѓу 3 на повисоките места и 14 степени.
Во Скопје утринската температура изнесуваше -3, додека максималната дневна треба да се движи околу 10 степени.
Во наредните три дена ќе преовладува стабилно, суво и потопло време со постепен пораст на температурата на воздухот. Во среда, под влијание на циклонска активност, се очекува облачно време со повремени врнежи од дожд и со умерен југоисточен ветер.
