Сопругите и девојките на репрезентативците на Англија решија убаво да се забавуваат на Европското првенство во Германија откако мораа да внимаваат на облекувањето и однесувањето за време на Мундијалот во Катар, пишува британски The Sun.
Кон крајот на минатата година, за време на Светското првенство во Катар, како и другите жени кои пристигнаа во оваа земја, мораа да ја почитуваат локалната култура и правила.
Не можеа да пијат алкохол, добија предупредување за слушање гласна музика, но следниот јуни ќе уживаат во слободата, па сега трошат време планирајќи го патувањето на овој турнир.
The Sun наведува дека сопругите на фудбалерите веќе фрлиле око на потенцијално сместување, а се работи за замок во кој ноќевање чини околу 2.000 евра.
Замокот се наоѓа во Кронберг, во близина на Франкфурт, градот каде Англија ќе го одигра вториот натпревар од групната фаза против Данска.
„Тие сериозно размислуваат за идејата да одат во замок. Одлучија да ги пуштат косите по ограничувањата во Катар, но сепак ја сакаат својата приватност. Замокот што го избраа е надвор од градот и опкружен со шума. Тие се многу возбудени за првенството, а за разлика од Катар, можат безгрижно да уживаат во него“, пишуваат Британците.
Инаку, овој замок-хотел, меѓу другото, има и батлери и масери, а на своите гости им обезбедува и изнајмување лимузини и луксузни автомобили.