Ако имате чувство дека некој ја искористува вашата љубезност, добрина или љубов, веројатно сте во право. Токсичните луѓе се насекаде и колку порано станете свесни за нив, толку подобро. Воопшто не е тешко да направите разлика меѓу оние кои се на ваша страна поради нивни лични интереси и оние кои навистина ве сакаат.
Манипулативните луѓе ќе се обидат да ве убедат да правите работи за нив, ќе се потрудат да ве убедат дека околу тоа нема дискусија. Но, вистината е дека не мора да правите ништо поради што ќе се чувствувате непријатно, дури ни кога тоа од вас го бара некој кој го сакате. Ако чувствувате дека некој ве искористува, веројатно сте во право.
Токсичните луѓе доаѓаат во различни облици и величини, тоа можат да бидат ваши колеги, соседи, родители, добри пријатели, роднини. Ако некој од вашето опкружување секогаш се обидува да извлече нешто од вас и прави да се чувствувате безвредно, станува збор за манипулатор.
Еве неколку совети како да се изборите со овие луѓе:
1. Престанете цело време да велите „Да“
Научете да кажете „Не“ на луѓето, не мора секогаш да се сложувате со сите, особено не да им правите услуги, ако тоа на некој начин ве вознемирува. Преземете контрола, никому не должите.
2. Бидете свесни дека ги имате сите права што ги имаат и луѓето околу вас
Не сте должни да правите нешто за кое не сте расположени, тоа што вие го сакате и како вие се чувствувате има еднаква тежина како желбите и чувствата на луѓето околу вас.
3. Не дозволувајте другите да ви набијат чувство на вина
Тоа што повремено велите „Не“ не ве прави лоша личност. Кога одбивате некому да направите услуга или да му излезете во пресрет за тоа имате лични причини, а таа личност тоа мора да го уважи. Без разлика дали ѝ се допаѓа тоа или не. Мора да си бидете важни сами на себе барем колку што ви се важни саканите.
4. Дистанцирајте се од таквите луѓе
Ако личноста со која имате проблеми не покажува ниту најмала намера да го промени однесувањето, дистанцирајте се. Колку повеќе, толку подобро. Немојте да го трошите вашето време на луѓе кои сакаат само да ве искористат.
5. Бидете отворени
Вашите зборови треба да имаат тежина. Кажете како се чувствувате, јасно и гласно, и останете на тоа. Нема причина да ви биде непријатно. Штом еднаш го кажете вашето мислење веднаш ќе се чувствувате подобро.
6. Не обрнувајте внимание на постојаното жалење
Вештите манипулатори вечно им се жалат на другите, за сè. Никому не му е така тешко како ним, никој не ги разбира и слично. Останете на своето и следете ја сопствената интуиција, за ваше добро.