Живот

Совети како да го подготвите бебето за зимски прошетки

16. декември 2018 - 11:27 | Б.С.Б.

Во текот на подготовките на бебето за првата зима и студеното време најважно е на бебето да му е доволно топло. Но, постојат правилни и погрешни начини за тоа. Што советуваат експертите?

„Колку му е топло или студено на бебето не оценуваме според тоа дали му се студени рацете или нозете. Наместо тоа, поставете ги прстите под вратот на бебето“, вели педијатарот Ивон Густафсон.

Доколку вратот кај бебето е топол и влажен, тоа значи дека на бебето му е претопло. Во спротивно, ако е студен, потребно е дополнително да го затоплите.

Според експертите, на бебето му е потребен еден слој облека повеќе од тоа што ние  сме облечени. Многу родители прават грешки бидејќи премногу го облекуваат бебето.

Некои од предупредувачките знаци можат да бидат студени или црвени раце кај бебето вклучувајќи треперење, бледи или црвени стапала и помодрени усни.

Се препорачува изолација кај бебешките колички за да се намали протокот на студенило до бебето. Тоа може да се направи така што под бебето ќе поставите парче стиропор.

Кожата кај бебињата е склона на пукање и сушење во текот на зимските месеци така што се препорачува редовно мачкање со лосион или хидратантни креми.

Излегувањето на студен воздух со бебето не треба да се избегнува, дури и кога бебето е настинато. Студениот воздух може да помогне во намалувањето на отокот на слузницата.

Коментирај