Не секој знае дека младиот кромид може да се одгледува и дома и тоа многу едноставно. Преку неколку освети ќе имате неограничена залиха на млад кромид на во вашиот дом или тераса.
Младиот кромид воглавно се продава со пуштени коренчиња, што е идеално за негово повторно одгледување. Отсечете ги краевите на кромитчето така што освен коренот ќе остане и дел од белата главица.
Остатокот од кромидот искористете го како што сте планирале.
Садот во кој ќе ги ставите главиците не смее да биде предлабок за тие да не бидат целосно потопени, бидејќи така ќе почнат да гнијат. Но, не смее ни да биде премногу плиток за кромидот да не се исуши.
Коренчињата поставете ги надолу, додека главиците да ѕиркаат од водата.
Билките сакаат светлина, па така идеално место за вашиот домашен млад кромид би било веднаш до прозорец, или на тераса/балкон каде што фаќа најмногу сонце.
Наш совет е водата да ја менувате секој втор деен, односно кога ќе почне да се заматува.
Доколку приметите дека водата е матна, веднаш заменетете ја. На кромидот за растење му е потребна чиста вода.
Набрзо ќе приметите дека вашите главици почнале да растат и да пуштаат зелени продолжетоци. Кога кромидот ќе достигне отприлика 10 сантиметри, тогаш е време за пресадување, или сечење.
Имено, доколку го оставите во водата кромидот набрзо ќе престане да дава млади, но секогаш можете да го исечете и да го користите во кујната.
Доколку сакате повеќе кромид, преселете го во земја во која повеќе ќе расте, а можеби и ќе пушти цветови кои потоа можете да ги користите во салати.
