Во текот на викендот, SpaceX лансираше телескоп за Европската вселенска агенција (ЕСА) со помош на ракета Falcon 9 од Кејп Канаверал, Флорида.
Станува збор за NIR телескоп наречен Euclid (Евклид), именуван по грчкиот математичар кој се смета за „татко на геометријата“. Овој телескоп ќе проучува како темната материја и темната енергија го обликуваат универзумот.
Покрај камерата од 600 MP што астрономите ќе ја користат за мапирање на една третина од ноќното небо во следните шест години, Euclid е опремен и со NIR спектрометар и фотометар за мерење на поместувањето на галаксиите кон црвено.
Во комбинација со податоците од копнените опсерватории, тие информации ќе им помогнат на научниците да го проценат растојанието помеѓу различните галаксии. Тие се надеваат дека Евклид ќе им дозволи да утврдат дали Општата теоријата за релативноста на Алберт Ајнштајн е различна во космички размери. Постои реална можност телескопот да го револуционизира разбирањето на физиката, па дури и да понуди увид во крајната судбина на универзумот.
„Ако сакаме да го разбереме универзумот во кој живееме, мораме да ја откриеме природата на темната материја и темната енергија и да ја разбереме улогата што тие ја играат во обликувањето на космосот. За да одговориме на овие фундаментални прашања, Euclid ќе ја даде најдеталната карта на екстрагалактичкиот небото“, изјави Карлоле Мундел, директорка за наука во ЕСА.
Сега откако е во вселената, телескопот ќе патува до втората Лагранжова точка на Сончевиот Систем. Тоа е истата област на вселената каде што работеше вселенскиот телескоп James Webb изминатата година. Euclid ќе патува во областа еден месец, а ќе поминат уште три месеци додека ЕСА не ги тестира своите инструменти пред да почне да испраќа податоци назад на Земјата.
