Лучано Спалети од летоска е селектор на италијанската репрезентација, во меѓувреме шест пати ги водеше „Аѕурите“ и веќе му дојде преку глава.
Кон почетокот на Европското првенство во Германија, каде Италијанците ќе играат против Албанија, Шпанија и Хрватска, Спалети имаше невообичаено остра порака за кандидатите за националниот тим.
Особено оние на кои им е потребен дополнителен мотивациски говор пред да излезат на теренот.
„Не мотивирам повеќе“, изјави Спалети, кој минатата сезона на Наполи му го донесе првото Скудето по 30 години, а потоа се раздели со клубот незадоволен од визијата на претседателот Аурелио Де Лаурентис.
Се покажа дека местото селектор го чека испразнето бидејќи во исто време неговиот претходник Роберто Манчини преговарал со нови работодавци од Саудиска Арабија.
„Оние играчи на кои им е потребна мотивација подобро е да останат дома. Ако поканам играч и потоа морам да го мотивирам, сум поканил погрешен играч“, рече тој и ги потсети кандидатите:
„Облечете го дресот на италијанската репрезентација, најубавиот од сите дресови, мотивирајте се сами“.