Ризотото со тиква е вистинско есенско јадење. Искористете ја сезоната на ова растение и направете го најубавиот и највкусниот прилог, кој е стар италијански деликатес.
Ризотото (не рижото, тоа е погрешно!) потекнува од Северна Италија и се подготвува со ориз и супа. најкласичнниот рецепт за ризото е многу едноставен - малку путер, кромид, можеби вино, ориз со кратко или средно зрно и супа, а на крајот се украсува со пармезан.
Оризот на Сицилија и во Шпанија во XIV век го донеле Арапите. Одгледувањето ориз продолжило во Неапол и на крајот се проширил во Северна Италија преку мочуриштата низ долините на реката По. Медитеранската клима со висока влажност била погодна за одгледување на ориз со кратки и долги зрна. Сѐ до XVIII век ризотото како состојка вклучувало варен ориз. Верзијата на рецептот кој денес најмногу се консумира прв пат била објавена во 1829 година. Вклучувала пржење на оризот со путер и кромид, а потоа додавање малку по малку супа со постојано мешање додека не стане кремасто и богато. Ризотото можете да го направите со било кои состојки, но важно е да пратите некои чекори за да ви излезе совршено. Основната состојка за ризото е, секако, оризот, а можете да користите со кратко или долго зрно. Во принцип, постојат два скроба: амилопектин и амилоза. Оризот со кратко зрно има виосоко ниво на амилопектин и малку амилоза, а тој сооднос му дава способност да апсорбира течност и да ослободува скроб. За оној со долго зрно важи обратното. Друга основна состојка за ризотото е кромидот, бидејќи му дава специфична арома. Како трета состојка е супата, односно булјон, кој е задолжителен бидејќи така оризот нема да се исуши и ќе биде кремаст. И четвртата состојка е пармезанот. Сите 4 состојки се задолжителни ако сакате совршено ризото, а сите останати состојки можете да ги додавате по желба.
- ¼ лажичка мускатно оревче
- 2 лажички ситно исечката свежа жалфија
- ½ главица кромид
- 230 гр ориз
- 1 шолја суво бело вино
- 1 л булјон од зеленчук
- ½ шолја пармезан
- ½ шолја пире од тиква
- 2 лажици несолен путер
Во тава загрејте лажица масло па додадете мускатно оревче и жалфија и мешајте околу 30 секунди. Потоа додадете сечкан кромид и посолете. Динстајте додека не омекне и често мешајте. Додадете измиен ортиз и пржете неколку минути. Истурете вино и гответе, повремено мешајќи, додека течноста потполно не испари, 2 до 3 минути. Намалете ја температурата на средно-ниска. Турете 3/4 шолја булјон над оризот и гответе, повремено мешајќи, па оставете оризот да си крчка. Кога оризот речиси ќе го впие булјонот, повторувајте во серии со останатиот булјон додека оризот не омекне, околу 25-30 минути. Додадете пармезан и пире од тиква (кое се прави така што ќе ја зготвите тиквата и испасирате), како и путер. Гответе додека сѐ убаво не се соедини, непрестајно мешајќи, околу 5 минути.