Стоби очекува олабавување на мерките за да го отвори археолошкиот локалитет и да ги реализира проектите

Поради состојбата со COVID-19 два и пол месеци локалитетот Стоби е затворен за посетителите, а Националната установа „Стоби“ трпи финансиски загуби. Оттаму очекуваат олабавување на мерките и повторно отворање, како и одобрение до средината на јуни или најдоцна до почетокот на јули да почнат со планираните проекти.

Лани археолошкиот локалитет Стоби го посетиле 22.000 гости од кои 70 проценти биле странски. Годинава имало едвај стотина и тоа само во првите 2,5 месец, пред пандемијата.

Како што информира за МИА директорот на НУ „Стоби“, Спасе Перовски, Стоби ќе се соочи со тешка година што се однесува до средствата заработени од влезници и од летните школи, бидејќи сите Летни школи за годинава се откажани, информира Перовски.

НУ „Стоби“ од  Министерството за култура годинава доби 14,4 милиони денари.

Според Перовски, активности се планирани во скоро сите сектори, а реализацијата ќе зависи од многу фактори и не може да се предвиди колкава ќе биде.

Во областа на Заштита на недвижно културно наследство предвидена е конзервација и реставрација на дислоцирани мозаици од збирката на Стоби, тековно и партерно одржување на Стоби, археолошки доистражувања и изработка на основен проект за конзервација и реставрација на градба со арки, конзервација, реставрација и реконструкција и археолошки доистражувања на Римскиот театар во Стоби, конзерваторско-реставраторски работи на полукружен плоштад и дуќаните на Виа Сакра, изработка на проект за конзервација на архитектонските остатоци од римската порта и сегмент од југоисточниот бедем и археолошки доистражувања на портата и југозападниот сегмент од комплексот градби околу храмот на Изида.

Од Визуелни уметности се планира и изложба на Петар Хаџи Бошков, во Стоби, додека во делот инвестиции – проширување на видео надзор и алармен систем во Стоби, санација на ноќна илуминација на локалитетот.

Од Издавачка дејност се планира студија: Римскиот театар во Стоби – Студија за кавеата 2000-2019, во Музејската дејност археолошки истражувања на западната некропола во Стоби, конзерваторски истражувања на стаклени предмети од збирката на НУ „Стоби“, едукативен водич за деца („Стоби стар град“), конзерваторски истражувања и изработка на основен проект за заштита на метални предмети од збирката на Стоби.

– Наспрема минатата година посетеноста на Стоби е 100 отсто пониска заради COVID-19, очекуваме доколку се ослободат мерките, посета на гости пред сѐ од нашата држава. Странски гости оваа година тешко дека можеме да очекуваме. Минатата година имавме околу 22.000 гости од кои 70 проценти странски, информира Перовски.

Во Стоби од почетокот на годинава беше комплетно готов тикетинг системот за влез на локалитетот (соодветен софтвер за туристичка презентацијана археолошкиот локалитет), што беше реализиран преку лански проект од страна на Министерството за култура.

Перовски информира дека со стручниот тим во Стоби работат на подобрување на туристичката презентација на археолошкиот локалитет, на патеките за посетителите, нови информативни табли и пристапни точки од каде што најдобро можат да се разгледат објектите во Стоби.

Тој најави дека ќе се залага за оживување на древниот локалитет со нови културни настани и привлекување на домашни посетители кои досега ретко или воопшто не се запознале со убавините на Стоби.

Лани се работеше на археолошки истражувања и конзервација на Античкиот театар, Храмот на Изида, се конзервираше мозаикот од втората фаза во јужниот брод од Епископската базилика, а се правеше привремен покрив над Крстилницата што треба да ги заштити мозаикот и мермерната пластика.

реклама

Порнографски видеа и фотографии со девојки и жени од Гевгелија препраќани на социјалните мрежи

Read more

Коронавирус и имунитет – научно објаснето

Read more

Италија забрани влез од 13 земји

Read more

Од денеска скопјани ќе се возат во нови автобуси

Read more

Култура

Првиот број на списанието „Стремеж“ за годинава објавен во Прилеп

Read more

Тринаесет содржини на 35. Штипско културно лето

Read more

Тетовската уметничка галерија со јавен повик до уметниците

Read more

Корона кризата ја одложи Галичка свадба

Read more

Вести

Откриен шпион во кабинетот на Ангела Меркел

Читај повеќе
  • play_arrow

МОСТ ќе ги следи изборите со близу 900 набљудувачи

Читај повеќе

ССНМ: Новинарите и медиумските работници со плата далеку под просечната

Читај повеќе

Сабота и недела неработни, породилно отсуство 1 година и зголемување на минималната плата, бара ССМ

Читај повеќе

Вархеји: Европа потфрли во Сребреница, се соочуваме со нашиот срам

Читај повеќе

ОН: Во камповите за семејства на џихадисти починале 700 луѓе

Читај повеќе

Нови 422 казни за неносење маска

Читај повеќе
  • filter

Од денеска скопјани ќе се возат во нови автобуси

Читај повеќе

Рио ќе ги отвори плажите кога ќе се најде вакцина против коронавирусот

Читај повеќе