Луис Суарес (36) потпишува за реномираниот уругвајски тим Насионал од главниот град Монтевидео.
Еден од најдобрите напаѓачи на сите времиња се враќа во татковината откако му истече договорот со Атлетико Мадрид.
„Невозможно беше да кажам 'не'. Подготвен сум да се вратам. Се надевам дека наскоро ќе бидат завршени последните детали за да можеме и официјално да ја завршиме работата“, изјави Суарес кој одби голем број понуди од Европа.
Суарес беше одличен во својата прва сезона во Атлетико, постигнувајќи 21 гол во 32 првенствени натпревари откако дојде од Барселона во 2020 година. Во претходната сезона, тој постигна 11 гола на 35 првенствени натпревари.
Дебитираше за Насионал во 2005 година како 18-годишник и веднаш му помогна на клубот да ја освои титулата со своите голови. Подоцна играше за Хронинхен, Ајакс, Ливерпул, Барселона и Атлетико. Во кариерата постигна повеќе од 500 голови и освои 19 трофеи.
Тој е единствениот кој ја прекинал доминацијата на Меси и Роналдо во борбата за европскиот трофеј Златна копачка, а тоа го направи двапати. Насионал 48 пати беше шампион на Уругвај, а последен пат тоа се случи во 2020 година.