Контејнерски брод се насука во Суецкиот Канал. Службите пристигнаа да помогнат, обидувајќи се да го завртат бродот, а зад него веќе се формира колона.
Бродот се насука во Суецкиот Канал, оставајќи зад себе најмалку четири пловила, според бродскиот агент Leth Agencies. Реморкерите се обидуваат повторно да го подигнат бродот наречен Xin Hai Tong 23, соопшти компанијата.
Пред две години, Суецкиот Канал, еден од најфреквентните водни патишта во светот, беше непрооден речиси една недела откако голем контејнерски брод се заглави и го блокираше патот.
Ever Given, еден од најголемите контејнерски бродови во светот, го блокираше каналот шест дена. Бродот, управуван од тајванската фирма Evergreen Marine, предизвика заостаток од стотици бродови кои се обидуваа да го искористат водениот пат.
Xin Hai Tong 23 е сепак дупло помал брод и блокираше само дел од каналот, додека од другата страна сообраќајот се одвива непречено.
