Храната што ја консумирате секој ден игра клучна улога во одржувањето на вашето здравје.
Одредена храна може да го намали ризикот од одредени состојби или болести. Два вида храна би можеле да имаат големо влијание врз потенцијално смртоносните болести, намалувајќи го ризикот од деменција, рак и срцеви заболувања.
Имено, редовното додавање на овие намирници во исхраната би можело дури и да ни помогне да живееме подолго, покажуваат истражувањата.
Научниците од Колеџот „Империал“ во Лондон и норвешкиот Универзитет за наука и технологија заклучија дека луѓето кои јадат јаткасти плодови можат да го намалат ризикот од срцеви заболувања за речиси 30%, рак за 15% и прерана смрт за 22%.
Преглед на 29 студии од целиот свет покажа дека секојдневното консумирање јаткасти плодови го намалува ризикот од смрт од респираторни заболувања за половина и од дијабетес за речиси 40%.
Зелениот лиснат зеленчук вклучува храна како спанаќ, кељ, зелка и марула. Тие се сметаат за основна храна за мозокот поради нивните есенцијални хранливи материи, вклучувајќи витамин К, лутеин и фолати, и низа корисни растителни флавоноиди. Тие се и извор на нитрати, соединенија кои телото ги претвора во нитрити, кои ги опуштаат и прошируваат крвните садови за да го стимулираат протокот на крв во срцето, мозокот и мускулите.
Секојдневната порција лиснат зеленчук го забавува когнитивниот пад поврзан со стареењето. Луѓето што јаделе две или повеќе порции имаат тенденција да имаат меморија и сеќавање на некој 11 години помлад.
