Marvel го најави првиот геј Капетан Америка и ова е прв ваков случај во 80-годишната историја на овој стрип-херој.
Во ограничената серија „Соединетите држави на Капетан Америка“ (The United States of Captain America), Стив Роџерс (оригиналниот Капетан) и други ликови кои го носеа суперхеројскиот костим, тргуваат на пат низ САД во потрага по украдениот штит. Попатно се среќаваат со обични луѓе кои на кратко ќе го облечат костимот на Капетан Америка за да ги одбранат своите заедници.
Едно од тие луѓе е Арон Фишер, бестрашен тинејџер кој ги брани оние кои, исто како него, се принудени да бегаат од дома и да живеат на улица бидејќи се отфрлени поради својата сексуална ориентација. Тој е исто така првиот ЛГБТК+ лик што ќе го носи костимот на Капетан Америка во историјата на стрипот.
Marvel немаше геј лик сè до 1992 година кога го претстави Нортстар, а во следните години се појавуваа се повеќе ликови со геј ориентација, вклучително и Ајсмен од X-Men.
