Лука Модриќ повторно беше еден од главните режисери на чудесното враќање на Реал Мадрид во Лигата на шампионите.
Тимот на Анчелоти беше на стаклени нозе на десет минути пред крајот, Челси водеше со 0:3 на Сантијаго Бернабеу, со што ја анулираше победата на Мадрид во Лондон.
Потоа на сцена стапи Модриќ, кој со фантастична асистенција со надворешната страна на копачката го пронајде Бразилецот Родриго и така го одведе Реал во продолженија. Карим Бензема погоди во 96. минута за 2:3, а доволен беше и минималниот пораз со оглед на победата на Реал од 3:1 во првиот натпревар.
Уште пред Шимон Марчинијак да го означи крајот на натпреварот, светските медиуми почнаа да се натпреваруваат во пофалби за хрватскиот фудбалер. Италијанскиот новинар Фабрицио Романо го нарече „уметник чии потези треба да бидат во музеј“, британски BBC напиша дека Модриќ „се појавил кога Реал бил на колена и кога му бил најпотребен, а мадридска Marca дека треба да му се подигне споменик.
Bleacher Report Football го нарече „нереален“, а SPORTbible „еден од најдобрите на сите времиња“.
Порталот Goal смета дека Модриќ „старее како добро вино“, а Џејми Карагер, легендата на Ливерпул, кој работи како коментатор на Sky Sports, не можеше да го сокрие своето воодушевување.
Познатиот 433 едноставно напиша: „Лука Модриќ. Тоа е тоа. Тоа е твитот".