Микропластиката во водата за пиење во моменталната количина не претставува ризик за здравјето, соопшти Светската здравствена организација, пренесува BBC.
Според СЗО, поголемите честички, како и повеќето помали, минуваат низ човечкото тело и притоа не се апсорбирани. Сепак, нагласено е дека заклучоците се базирани на ограничени информации и е побарано поопширно и подетално истражување на овој проблем.
Непрофитната организација Orb Media претходно пронајде честички од пластика во водата на многу брендови.
За микропластика се сметаат малите делови од било кој вид пластичен отпад, а пронајдени се во реки, езера, вода за пиење и во флаширана вода. Во првиот извештај за овој проблем СЗО соопшти дека микропластиката не претставува опасност по човековото здравје во сегашните количини, но сепак се потребни дополнителни истражувања.