Смртта на десетици деца од Гамбија од акутни повреди на бубрезите можно е да е поврзана со контаминирани сирупи за кашлица и настинки од индиски производител на лекови, обелодени генералниот директор на Светска здравствена организација (СЗО), Тедрос Аданом Гебрејесус.
Тој додаде дека биле тестирани четири медицински сирупи на Maiden Pharmaceuticals, за кои постои сомневање дека предизвикале смрт на 66 деца во Гамбија. Лабораториските анализи потврдиле „неприфатливи“ количини на диетилен гликол и етилен гликол, кои можат да бидат токсични и да доведат до акутно оштетување на бубрезите.
Индиската компанија сè уште е недостапна за коментар, како и индиското Министерство за здравство.
СЗО побара спорните медицински производи да бидат отстранети од пазарот.
Производите можеби се дистрибуирани и на други места преку неформални пазари, но досега тие се идентификувани само во Гамбија, се наведува во предупредувањето на СЗО.
Предупредувањето се однесува на четири производи – Promethazine Oral Solution, Kofexmalin Baby Cough Syrup, Makoff Baby Cough и Magrip N Cold Syrup.
