Министерството за здравство, со цел да има подобар и попрецизен увид во трошоците и јавните набавки на јавните здравствени установи, со допис ги информирало сите јавни здравствени установи дека за сите јавни набавки предвидени во годишниот план за јавни набавки, а кои сѐ уште не се почнати, потребно е да побараат стручно мислење од Министерството пред да почнат со набавката.
Ова не се однесува на набавките кои се неопходни за тековно и нормално функционирање, соопшти Министерството за здравство.
Министерот Арбен Таравари посочува дека целта на ова известување до јавните здравствени установи е да се спречи нерационалното и неоправдано трошење на буџетските средства со кои располагаат установите, односно овие средства системски да се искористат во интерес на пациентите.