Овој месец Театар Комедија слави 11 години и 150-та изведба на претставата „Стјуардеси“.
Претставата „Стјуардеси“ е класична фарса. „Стјуардеси“ има седум врати и многу необјасниви ситуации. Бернард е успешен архитект, кој има фантастичен стан, домашна помошничка и ја има формулата за совршен, полигамен живот. Оваа формула се обидува да му ја претстави на својот најдобар пријател Роберт.
Формулата за совршен живот е да се има три стјуардеси од три различни компании, кои патуваат секој ден во Скопје и за секој ден има по една различна девојка вереница. Но равенката многу брзо се распаѓа и сите непријатни ситуации се случуваат во еден стан, еден вереник, три вереници, неговиот најдобар пријател и Берта домашната помошничка која се труди да одржи се во најдобар ред.
ИГРААТ:
Бернард: Атанас Атанасовски;
Роберт: Валентин Костадиновски – Тино;
Берта: Марија Кондовска;
Габриела: Ева Скендеровска/Кристина Ласовска;
Глорија: Нина Деан/Жаклина Петровска;
Грета: Тања Мицков;
„Стјуардеси“ е на репертоарот на Театар Комедија на 11 март, со изведба од 20 часот.
Репертоарот за март можете да го видите подолу, а билети можете да набавите онлајн на online.teatarkomedija.mk.
