Tesla оствари рекорден профит во првиот квартал од оваа година, откако сопственикот Илон Маск изјави дека компанијата може да го зголеми производството повеќе од очекуваното, и покрај „тесните грла“ во синџирите на снабдување.
Маск рече дека Tesla ќе произведе повеќе од 1,5 милиони возила во 2022 година, што е за 60 отсто повеќе од минатата година. Долгорочниот план е зголемување на испораките за повеќе од 50 проценти годишно.
Најголемата светска автомобилска компанија се опоравува од затворањето на фабриката во Шангај, каде работата беше прекината на 28 март поради строги владини мерки насочени кон забавување на ширењето на COVID-19. Tesla соопшти дека изгубила околу еден месец од производството поради локдаунот.
Најбогатиот човек на светот, Маск, изјави дека продажбата на автомобили во првите три месеци од оваа година скокнала за 80 отсто во однос на 2021 година и дека е остварен рекорден профит од 3,32 милијарди долари.
Tesla во првиот квартал годинава испорача 310.000 возила, во првиот квартал минатата година беа испорачани 184.877 возила, а во четвртиот 308.605 возила.